港色味道油尖旺

如果我早二三十年爱上摄影,相信我会係嗰种成日係黑房整色整水嘅摄影师,对我黎讲影相好鬼似买餸煮饭:前期準备+影相似买餸,厨房厨具似机镜灯,影+执相似煮饭+food styling, 餸如果係同一个街市买, 识拣嘅当然会易d买到好餸,加埋个靓厨房只要俾些少心机肯学下煮,其实煮得好食真心唔难嘅,当然有人会钟意食鱼生,但咩温度,刀功都会影响口感,所以就算唔驶煮都一样有学问哦。

 

讲反架生先,之前曾入手Sigma DPm系列,一直对佢3层cmos做到嘅效果念念不忘(唔驶合併已经层次分明,立体感强),突然忽发奇想,想试下用最135 Full Frame 嘅HDR去扫街会有咩效果,所以今次用左ps HDR Pro同多张(3-7张)不同曝光值raw相片合併成为一张同人眼有得fight嘅人类AB眼级HDR相,配合调色做到我脑海中色彩斑斓的香港味道,先黎油尖旺!

 

Canon 6d + Sigma 50mm f1.4 ART

  

港色味道油尖旺

 油尖旺街头充斥着高反差环境,街边档灯泡,麻雀馆招牌,街灯全部都光到爆,用左HDR pro即刻好似用肉眼现场睇一样

港色味道油尖旺

 香港真係随处都好多颜色,最钟意dual tones,海旁依家好多唱得好好嘅 live band,一边听歌一边吹海风真係好bravo

港色味道油尖旺

庙街必影是常识吧,比较可惜係地道香港人好少行,其实旅游业有无真心谂过香港仲有好多可能性?香港最多高楼大厦,如何可果有一个不同区域高楼景观导赏团你话几美好

港色味道油尖旺

 忠实地还原绝对不容易,旺角係我第2个家,成日经过嘅位置,用HDR Pro merge原来可以还原得咁好

港色味道油尖旺

 冷同暖永远好吸引我,如果有返个新填地阿叔坐係右边食返支唏嘘烟就very good了

港色味道油尖旺

 地铁都有两色,搅笑係我影呢张相嘅时候有好多人行埋我旁边一齐影,有人以为我係日本人搅艺术......

港色味道油尖旺

 果栏係油麻地代表,历史建筑加港式营运,好本土亦好有特色,所以我话冷暖色无处不在

港色味道油尖旺

 呢张纯技术示範,左边珠宝Banner基本上光到爆炸,呢张用左+-3ev 7张raw先合到近乎人眼所见,可以想像人眼係几咁厉害的感光元件

港色味道油尖旺

 不知不觉1881就已经话要执了,呢个打卡圣地真係好经典,紫色主题巧令令

港色味道油尖旺

 天后古庙例位,影一张相keep住俾成百只蚊非人道攻击,闪呀

港色味道油尖旺

好钟意呢种因为小轮在移动加上长曝而出现假假地嘅感觉,btw执相最好係你执左好多野但睇落好似无乜执过就最好......(即係㸃呀大佬)

港色味道油尖旺

有时候因为自己係香港人见得太多所以麻木了,其实香港的石屎森林真係密得几可怕,有美感的密度背后係钱同空间在角力,问题係闲闲地几百万一层楼,哪有钱?所以根本无力角力,不向钱冲人生是否已算失败?

 

后话

我係嗰种会叫人做好基本野再讲艺术的人,因为我信其中一个把摄影推到艺术层面的方法就係令技术去到极致再加入前无古人嘅个人元素,当然或者你係天材就不在此列了,但天材只是万中无一的礼物,所以我呢种一般平凡人还是乖乖的向我的极限迈进好了。

 

人大了思想真的变了很多,喜欢摄影后会用另一种角度去睇身边的一切,本来平平无奇的人事景原来可以有不一样的方法去感受,好像呼吸变得不一样了,慢慢地你追求美丽的渴望也会改变,生活苦不苦其实全在自己,活着已是幸福,大家也笑着创作 / 拍摄吧!

 

爹娘喜欢摄影想分享想进步可加以下group 呀亲!
@爱拍摄爹娘亲儿协进同乡会
https://www.facebook.com/groups/198397067322909/?fref=nf

 

www.facebook.com/inghohk

www.facebook.com/adorbyhongkong

www.adorbyhk.com

 

上一篇:
下一篇: